Ստեփանավանի Վահան Թեքեյանի անվան №6 միջնակարգ դպրոցը հիմնադրվել է 1992թ.:

Դպրոցը գործել սկսեց վատթարագույն, տնակային իրավիճակով` առանց տարրական պայմաններերի: Այնուհետև տեղափոխվել է Ճանշին տեղամասի շենքը, որի սենյակները հարմարեցված էին որպես դասասենյակներ:1994թ.-ին դպրոցն անվանակոչվեց արևմտահայ մեծանուն բանաստեղծ Վահան Թեքեյանի անունով ։

Դպրոցի ղեկավարությունը առաջինը ստանձնեց Ս. Ղուկասյանը:

1999թ.-ի հոկտեմբերի 27-ից դպրոցի տնօրինությունը ստանձնեց Վոլոդյա Հմայակի Մարտիրոսյանը:

2004թ.-ին շահագործման հանձնվեց ներկայիս դպրոցի առաջին մասնաշենքը, իր մեծ, լուսավոր, տաք ու հարմարավետ դասասենյակներով, համապատասխան գույքով ապահովված քիմիայի և կենսաբանության լաբորատորիաներով,համակարգչային կաբինետով: 2011թ.-ին կառուցվեց նաև դպրոցի նոր մասնաշենքը, և մենք ունեցանք հրաշալի մարզական, հանդիսությունների համար նախատեսված դահլիճներ, մեծ ու հարմարավետ գրադարան, ճաշարան, բակում թենիսի, ֆուտբոլի,վոլեյբոլի և բասկետբոլի խաղահրապարակներ: Այս գործում մեզ մեծապես աջակցել են մարզի և համայնքի ղեկավարները:
Դպրոցի սաները միշտ էլ մեծ հաջողությամբ են մասնակցել համաքաղաքային, մարզային ու հանրապետական առարկայական օլիմպիադաների, մրցույթների, փառատոների, մարզական մրցումների`զբաղեցնելով մրցութային տեղեր: Դպրոցը բոլորին գրավում է իր հրաշալի ծաղկանոցով, սոճիներով և եղևնիներով, որի համար 2011թ.քաղաքապետարանի կողմից պարգևատրվեց <<Լավագույն բակը>> պատվոգրով:

2015թ—ի սեպտեմբերի 15-ից դպրոցի տնօրինությունը ստանձնեց Հմայակ Վոլոդյայի Մարտիրոսյանը: